Ja, hvur akkodinn

Ég varð aldeilis bit þegar ég las þetta, en líklega er átt við sölu á ferlinum, þ.e.a.s. að Garth Brooks hafi nú selt fleiri plötur en Elvis gerði meðan hann lifði. Textinn gefur það raunar til kynna. Hugsanlega er átt við Bandaríkin eingöngu þó að það sé ekki tekið fram. Þetta er kannski ekki eins ótrúlegt og það sýnist í fyrstu, því að Brooks er óhemjuvinsæll vestanhafs og hefur verið það í marga áratugi. En aldrei hebbði ég nú samt trúað því að hann Garðar frá Læk skyti sjálfum Presley skolla fyrir skut.

Garth Brooks orðinn söluhærri en Elvis

Athugasemdir

[Kristín M. Jóhannsdóttir, 6.11.2007 kl. 18:53]

Þetta kemur mér ekki á óvart. Alveg ótrúlegt hversu kántrítónlist selst hér vestra. Ef ég man rétt er t.d. Shania Twain söluhæsta kona allra tíma og toppar Madonnu og þessum popppíum. Þegar ég flutti til Kanada hafði ég aldrei heyrt minnst á fröken Twain.