Belja?

En ef þetta hefði nú verið trunta? Hefði blaðamaður þá tekið svona til orða? Skepnan heitir kýr - og ef menn þora ekki að beygja orðið má kalla hana kusu. Kusa er líka vinalegt orð og lætur í ljós ákveðna væntumþykju. En beljur, rollur og truntur eiga ekki að sjást eða heyrast í fréttum. Og hananú.

Belja féll af himnum ofan

Athugasemdir

[Gummi Valur (IP-tala skráð) 8.11.2007 kl. 21:29]

Þetta var það fyrsta sem ég hugsaði. Svo talar lögreglumaður um kú en ekki belju í fréttinni. Ef til vill fékk blaðamaðurinn einhvern annan til að þýða orð hans.

[Alva (IP-tala skráð) 8.11.2007 kl. 22:11]

óóóóótrúlegir þessir íslensku blaðamenn svo mikill metnaður hjá þeim mörgum eða þannig, pæliði í því hvað allt yrði kreisí ef fyrirsögnin væri KERLING féll fyrir björg...

[Einar Steinsson (IP-tala skráð) 9.11.2007 kl. 08:08]

Sammála Valdimar. Ég er alin upp í sveit og belja er jafngilt orð og kýr. Það er alls ekkert skammaryrði eins og sumir virðast halda. Þessi orð voru notuð jöfnum höndum yfir þessi vinalegu dýr og sama gilti um sauðféð, þar var ýmist talað um kindur eða rollur.

[Helgi Már Barðason, 9.11.2007 kl. 08:25]

Góður vinur minn er bóndi og tók við stóru kúabúi af föður sínum. Þar á bæ eru kýr aldrei kallaðar beljur. Bóndi segir að það séu kýrnar sem haldi lífinu í sér og sínum og þær eigi ekki skilið að notuð séu um þær neikvæð orð. Hann lítur m.ö.o. svo á að orðið belja sé neikvætt og vill ekki nota það. Þetta er nokkuð sem faðir hans kenndi honum ungum. Ég tek mér þennan góða bónda til fyrirmyndar að þessu leyti auk þess sem mér finnst blærinn á þessu orði bara alls ekki fallegur. Það er raunar bara mín persónulega skoðun. Það er hins vegar í góðu lagi að fólk tali um beljur sín á milli en orðið á ekki að sjást í fréttum. Hið opinbera heiti skepnunnar er kýr. Við tölum ekki um kerlingar og króga í fréttum enda þótt fólk grípi stundum til þessara orða sín á milli og þau geti jafnvel verið gæluyrði.

[Ívar Gunnarsson (IP-tala skráð) 9.11.2007 kl. 08:56]

Hárrétt! Ég vil líka sjá fréttaflutning og blaðamennsku sem fókusar á birtingu og framsetningarmáta fram yfir efnislegt innihald, auk þess em það er náttúrulega óviðunandi að fríir fréttamiðlar á internetinu noti orð, hugtök, eða velji sér umfjöllunarefni sem gæti mögulega komið illa við einhvern líklegan eða ólíklegan lesanda. Ef það er svona mikilvægt að nota orð einsog þetta þá geta menn allavega séð hræsnislegan amerískan sóma sinn í að skrifa það þannig að viðkvæmir og aðrir einfeldningar ekki fái skilið um hvað ræðir:  b****

[Helgi Már Barðason, 9.11.2007 kl. 09:15]

[Gummi Valur (IP-tala skráð) 9.11.2007 kl. 13:38]

Ég er líka alinn upp í sveit, á kúabúi nánar tiltekið. Þar, og á nærliggjandi bæjum, er orðið belja aldrei notað nema sem niðrandi orð eftir að hafa fengið spark frá skapillri kú eða annað í þeim dúr. Sér fólk heldur engan blæbrigðamun á notkun þessara orða? Ef einhver kallar þig belju, særir það ekki aðeins meira heldur en ef viðkomandi hefði kallað þig kú?

[Villi Asgeirsson, 9.11.2007 kl. 14:27]

Ég aldist að hluta til upp í sveit og þar voru orðin belja, rolla og trunta niðrandi og aldrei notuð.

Svo er það spurningin sem Ívar spyr. Blaðamaður MBL.is hafði fyrir því að nota orð sem ég hef aldrei heyrt þegar hann kallaði súmmið á myndavél þys (minnir mig). Ég held hann hafi sagð að maður þysji inn (súmmi inn). Ef þeir eru svona orðvandir og orðhreinir, af hverju þá belja?

[ViceRoy, 9.11.2007 kl. 21:11]

Uhm... en hvað um hvali t.d.?  kýr er kvenkynið, tarfur er karlkynið og kálfur er afkvæmið... sýnist þetta súast frekar um kyn en ekki dýrategund. 

Þegar talað er um tarf, er átt við naut eins og allir vita, um kálf afkvæmi, og kýr er belja, þó svo að margir tali um belju sem "kýrin" þá segir það sig sjálft að verið sé að tala um belju... Held að þetta vefjist fyrir alltof mörgum, en ef þetta væri heimfært vel, þá kæmi þetta niður á hvort kynið væri þegar notað væri orðið kýr, þannig að belja gæti vel borið sigur úr býtum.