Ég á von á því

Einkennilegt hversu margir veðurfræðingar á Stöð 2 eiga von á hinu og þessu. Siggi stormur og a.m.k. tvær stúlknanna eiga ævinlega von á, en búast aldrei við, gera aldrei ráð fyrir, halda aldrei og telja aldrei neitt líklegt. Þetta er svo sem ekkert stórmál, síður en svo, en ég get ekki neitað því að mér finnst orðafátæktin þreytandi og svolítið sorgleg.

Ég tel þó víst, held, býst við, reikna með, geri ráð fyrir og vænti þess að veðurfræðingarnir gefi okkur gott vor.

Athugasemdir

[arnar valgeirsson, 22.4.2008 kl. 23:51]

maður á sko von á ýmsu hjá veðurliðinu....

en það hefur þó enginn komið í stað bogga brælu.

man að fólk sagði bara ohhh þegar hann birtist á skjánum......