Spáð íðessu

Ég veit aldrei hvort ég á að hlæja eða gráta þegar ég heyri fólk spá í einhverju. Er þetta áhrifsbreyting frá "velta einhverju fyrir sér" eða "pæla í einhverju"? Jafnvel fólk, sem komið er til vits og ára, spáir í hinu og þessu.

Mér leiðist að vera leiðinlegur en verð að segja að þetta finnst mér alveg hreint einstaklega leiðinlegt. Ég er alinn upp við að spá í eitthvað og hitt og þetta og enn hef ég, sem betur fer, ekki heyrt talað um spákonur sem spá í bollanum eða spilunum.

Lýsi hér með eftir fólki sem er til í að spá í þolfall með mér.

Athugasemdir

[Hólmdís Hjartardóttir, 1.8.2008 kl. 01:44]

Æi mikið er ég sammála.  Verst þegar fullorðnir eru með svona ambögur.  Góða verslunarmannahelgi.

[Eyjólfur Sturlaugsson, 1.8.2008 kl. 23:12]

Sko Helgi ...það borgar sig ekki að vera of góður í íslensku...þá fer meira eða minna allt í taugarnar á manni.

kv.

Lói

[Helgi Már Barðason, 2.8.2008 kl. 23:52]

"Spáðu í mér, þá mun ég spá í þér."