Holy Seagull

22.10.2008 | 21:34

Yndislegar ekkifréttir

Ég hef áður haft á orði að alls kyns ekkifréttir væru stundum áberandi í fjölmiðlum og fremur agnúast út í þær en hitt, en stundum eru þær krydd í tilveruna, ekki síst þegar illa árar og veröldin er full af vondum fréttum.

Á visir.is eru birtar yndislegar ekkifréttir. Þær koma inn nokkrum sinnum á dag og eru hver annarri betri. Meðal þess sem boðið var upp á í dag má nefna:

"Óförðuð aðþrengd eiginkona sjokkerar - myndir."

"Kelin Reese Witherspoon - myndir."

"Sokkabuxur Söruh Jessicu Parker - myndir."

Og rúsínan í pylsuendanum:

"Eyrnamergur Keanu Reeves áberandi - myndir."

Þegar maður hefur fengið sig fullsaddan af fjármálafréttunum er gráupplagt að líta yfir ekkifréttirnar af fræga fólkinu á Vísi. Þær bæta, hressa og kæta.

Flokkur: Bloggar | Facebook