Glerá

Mér þykir vænt um bæjarlæk Akureyringa, Glerá. Þess vegna þykir mér leiðinlegt að sjá hvað ánni er lítill sómi sýndur. Segja má að hún hafi á kafla verið gerð aðgengileg mönnum og umhverfi hennar fegrað, en mikið er eftir. Kanadískur kunningi minn, sem hér var á ferð í haust, var alveg gáttaður á því að allt umhverfi árinnar skyldi ekki gert að útivistarsvæði, svo hrifinn var hann af henni. Ég tek undir það. Í leiðinni mætti lífga upp á alla smálækina sem renna í Glerá - þeir hafa margir hverjir verið niðurlægðir. Hið sama má raunar segja um Búðarlækinn í Innbænum, en vonandi halda ráðamenn þannig á spöðum að lækurinn verði bæjarprýði, nú þegar hesthúsin eru farin og tækifærin blasa við.

Athugasemdir

[Hólmdís Hjartardóttir, 6.12.2008 kl. 00:26]

Þar sem Glerá fellur í gljúfri er hún falleg.  Svona á getur hæglega verið mesta bæjarprýði.

þú veist hverig farið var meðneðri hluta Búðarár á Húsavík. Sett í stokk. En efri hlutinn er mesta djásn staðarins.