Heyr, heyr!

Svona eiga bæjarstjórar að vera.

Ákvörðun um að banna ungmennum að tjalda tekin af illri nausyn

Athugasemdir

[Hans Jörgen Hansen, 9.8.2007 kl. 20:33]

En hvað með fjölskydur þar sem annað eða bæði foreldrar eru yngri en 23 ?? Þetta er hrein og bein mismunum.
Akureyringar eiga ekki að halda slíka hátíðir ef þeir treysta sér ekki til þess að halda uppi lögum og reglum á þeim.
Finnst þessi ákvörðun lýsa yfir vanhæfni Akureyrarbæjar á slíku móthaldi frekar en einhverjum dugnaði í bæjarstjóranum og hans pakki!!

[Helgi Már Barðason, 9.8.2007 kl. 21:09]

Hvort hefðirðu sent þessar fjölskyldur á fjölskyldutjaldstæðið eða ungmennatjaldstæðið í fyrra? Var það ekki mismunun að hafa tvö tjaldstæði þá? Hvað hefði fólk sagt ef þá hefðu verið sérstök tjaldstæði fyrir ellilífeyrisþega eða nýbúa?

Þessi mál eru vandmeðfarin og oftast verða einhverjir óánægðir, því miður. Á undanförnum árum hefur enginn verið ánægður nema þeir sem eitthvað hafa getað grætt á þessu. Í ár eru margir ánægðir.

Ég er ekki talsmaður svona fjöldahátíða um verslunarmannahelgar og held, satt að segja, að þær hljóti að fjara út á næstu árum. En þangað til er Árbæingum velkomið að halda þær, eða Garðbæingum, eða hverjum sem er, bara... Ég er hræddur um að það kæmi svipur á menn ef hverfið þeirra fengi aðra eins útreið og Akureyri hefur fengið á liðnum árum.

[Hans Jörgen Hansen, 9.8.2007 kl. 22:16]

Ég hefði ekki SENT þær neitt.
Þessar fjölskyldur hefði að sjálfsögðu fengið sjálfar að velja það!!
Ég sé nákvæmlega ekkert að því að fólk geti valið það sjálft með hverjum það tjaldar og það sniðugt að hafa unga með ungum og eldri með eldri þó svo að fólk ætti að fá sjálft að velja með hvorum hópnum það er með. Það er að segja eldri eða yngri hópnum.
Það er þá hægt að setja reglur á hvorru svæði fyrir sig. En að banna löglega sjálfráða fólk er algjörlega út í hött.
Og sú útreið sem Akureyri hefur fengið síðastliðin ár sýnir það bara að bærinn er ekki að ráða við það að halda slíka hátíð og ætti því frekar að sleppa henni heldur en að banna ákveðnum hópi fólks að koma!! Ég hefði fullkomlega skilið þetta ef bannið hefði átt við 18ára og yngri en að banna fullorðnu fólki að koma er fáranlegt!!

[Eyjólfur Sturlaugsson, 9.8.2007 kl. 22:41]

Bæjarstjórnin sýndi mikið hugreki með því að taka á þeim vanda sem búinn er að vera uppi á Akureyri síðustu ár.  Og árangurinn lét ekki á sér standa. 

Á tímabili var sama ástandið uppi á Sigló; fólkið alltof margt og umgengni hræðileg og þá sérstaklega á yngra fólki, en Ein með öllu bjargaði eiginlega Siglfirðingum (og reyndar fremur einhæf og leiðinleg dagskrá á Síldarævintýrinu).

[Helgi Már Barðason, 9.8.2007 kl. 22:51]

Ég er sammála, hátíðir eins og þær sem farið hafa fram á Akureyri á undanförnum árum eru of stór og dýrkeyptur biti fyrir bæinn. Þess vegna var gripið til þessara umdeildu örþrifaráða núna. Því miður. Ég vona sannarlega að þessi ljóta hefð okkar Íslendinga, fylliríissamkomur um verslunarmannahelgi, fari að líða undir lok.

Hræddur er ég um að fjölskyldufólk, hvort sem það er tuttugu og tveggja ára eða sjötugt, sæki ekki á tjaldstæði þar sem það getur átt von á sæg sukkandi ungmenna. Það fer trúlega annað. Þá er orðið lítið eftir af fjölskylduhátíðinni. Því miður.

Í mörgum sveitarfélögum voru hærri aldurstakmörk á tjaldstæði en 18 ár. Á Flúðum og á Hrafnagili voru mörkin t.d. 20 ár. Slíkar ákvarðanir eru ábyggilega ekki teknar út í bláinn. Því miður.

Ég held að eina leiðin sé sú að unga fólkið sjálft rísi upp og hætti að sætta sig við að þessi minnihlutahópur jafnaldranna, sem kann ekki að hegða sér á mannamótum, spilli fyrir meirihlutanum með þessum hætti. Langflest ungmenni eru til fyrirmyndar á allan hátt og það er auðvitað alveg skelfileg synd að tiltölulega lítill en afar áberandi hópur skuli skemma svona fyrir fjöldanum ár eftir ár. Meirihlutinn á ekki að láta hann komast upp með það.

[Hans Jörgen Hansen, 9.8.2007 kl. 23:43]

Held ég tali fyrir hönd allra minna jafnaldra þegar ég fullyrði það að við sættum okkur ekki við þá hegðun sem kemur óorði á ungt fólk en líkt og eldra fólk höfum við ekki vald til að koma í veg fyrir þessa hegðun þar sem sjaldan eru tengsl á milli þeirra hópa sem eru með vandræði og þeirra hópa sem vilja skemmta sér með gleði að leiðarljósi.
Þess vegna finnst mér það ekki lausn og ekki tekið á vandanum þegar þessum aldurshópi var bannað að koma á hátíðina.
En við getum þó verið sammála að þessar ofurdrykkju hátíðir séu orðnan soldið þreyttar og komnar til sinna ára.