Flísin og bjálkinn

Stundum á ég enga ósk heitari en þá að blessað "góða fólkið" fari nú að sjá bjálkann í auganu á sér en ekki bara flísina í augum annarra.

Konan sem breytti Júróvisjón

Árlega minnir Páll Óskar okkur á að hann hafi "breytt Eurovision". Líklega hefur honum þótt keppnin heldur geld og óspennandi fram að því.

Sannleikurinn er þó sá að Páll Óskar breytti engu. Hann fékk núll stig og vakti litla jákvæða athygli, nema þá í þr0ngum hópi samkynhneigðra.

ABBA var atriðið sem breytti keppninni. Og viðlíka umskipti áttu sér ekki stað á ný fyrr en gvadalúpíska söngkonan Joëlle Ursull söng White and Black Blues fyrir hönd Frakklands og kom með ferskan og hressilegan andblæ inn i löngu staðnaða keppni.

Páll Óskar vill hlut sinn eflaust sem mestan, en satt að segja var hann ósköp lítill. Páll vakti litla athygli á sínum tíma og enn minni hrifningu.

En eins oft síðan gleyptu íslenskir fjölmiðlar gagnrýnislaust við sjálfhælnum fullyrðingum athyglissækins fólks.

Framsókn

Eins og sönnum framsóknarmanni sæmir sveiflast skólameistari MA til og frá með "almenningsálitinu". Þetta er nú orðið meira bullið og vitleysan. Hví ekki að sjá hvaða hugmyndir og tillögur liggja á borðinu að lokum áður en fordæmingin er upp kveðin?

Tunglsskinsskuggi

Man einhver eftir Maggie Reilly?

Orðsnilld Íslendinga

Enn og aftur blöskrar mér hvað fólk sér að skrifa í athugasemdum við færslur á Facebook og víðar. Menn verða bara gjörsamlega hömlulausir. Til hvaða ráða væri hægt að grípa?

Sameining og rútur

Það skemmtilegasta við umræður um sameiningu VMA og VMA eru viðbrögð nokkurra fyrrverandi nemenda MA, sem eru hreinlega að rifna úr hroka og vandlætingu. Þessi viðbrögð einkenna einnig suma núverandi nemendur, sem verða reyndar löngu búnir í skólanum ef/þegar sameiningin verður að veruleika. Er stóra rútumálið ekki nóg handa þessum blessuðum unglingum?

Sunnusvör?

Hvers vegna krefur enginn Siðareglu-Sunnu um það sem hún vill gera í málefnum útlendinga sem mega ekki vera hér á landi lengur? Er nóg að vera á móti? Hvaða sérréttindi eru það? 

Breytingar

Allt er breytingum háð. Nú er svo komið að verkefnastaða mín mun breytast allverulega frá 1. október. Ég gæti m.a.s. neyðst til að flytjast heim.

Ef einhver veit um starf við mitt hæfi eða litla stúdíóíbúð á sanngjörnu verði (einhvers staðar á landinu) má sá hinn sami gjarnan hafa samband við mig.

Megið þið næðis njóta.

Nýtt hlutverk

Ég verð afi í fyrsta skipti eftir nokkra mánuði. Það verður skemmtilegt og spennandi!

Ég minnist skiltis sem hékk á vegg í forstofunni hjá rosknum sæmdarhjónum. Á því stóð: "Hér búa amma og afi. Hér gilda allt aðrar reglur".

Ætli það verði ekki þannig hjá mér? Best gæti ég trúað því.

Bankinn

Og að sjálfsögðu hefur enginn hærra um Íslandsbankamálið en Siðareglu-Sunna. Hefur konan enga sómatilfinningu?