Hvar var Kjartan?

Nú er Kjartani galdrakarli áreiðanlega skemmt. Spurning hvort París verður orðin erkióvinur strumpanna í næstu teiknimynd í stað Kjartans?

París móðgaði tvo strumpa

Samdráttur sem segir sex

Seigur, sá gamli.

Sarkozy orðaður við poppsöngkonu

Hroki og hleypidómar

Ég á það til að verða alveg ægilega hrokafullur. Dæmi aðra villt og galið og finnst allt fáránlegt, sé það öðruvísi en mér finnst að það eigi að vera.

Svo gerist stundum eitthvað sem verður til þess að upp rennur fyrir mér ljós og ég læknast af hrokanum - um stund.

En hann er lævís, helvískur.

Ég fylltist til dæmis hroka þegar ég sá hrokann í bloggaranum sem fann ráðamönnum þjóðarinnar allt til foráttu yfir því að hafa ekki tjáð sig og gripið strax til aðgerða í máli stúlkunnar sem lenti í hremmingunum á Kennedyflugvelli. Bloggfærslan var skrifuð fáeinum klukkustundum eftir að stúlkan ritaði sína bloggfærslu og því óvíst að ráðamenn hafi svo mikið sem verið búnir að frétta af málinu.

Svo hugsaði ég með mér að svona mætti ég ekki hugsa. Með því að hneykslast á því hvað bloggarinn var hrokafullur í garð ráðamannanna sem voru svo hrokafullir að hafa ekkert gert í máli stúlkunnar var ég sjálfur orðinn hrokagikkur - enn á ný - og byrjaður að dæma.

Dæmið ekki, sagði góður maður, til þess að þér verði ekki dæmdir.

Ég reyni. En mikið asskoti er það erfitt.

 

Ekki Fríða litla?

Það fyrsta, sem mér datt í hug þegar ég sá fyrirsögnina, var að loksins væri hún fundin, hún Fríða litla, ljúf með augun fögur, djúp og blá, sem dansaði jenka fyrir hann afa sinn forðum.

Lipurtá fannst í Skutulsfirði

Sökudólgurinn

Hér er Harry Potter að verki, það er ég viss um.

Ísskápur á flugi í Reykjavík

Legóvopn

Mikið væri nú betra að lifa ef bandíttar þessa heims gætu látið sér nægja Legóbyssur.

Kennt að smíða byssur úr Lego-kubbum

Og líka Andrés!

Var ég ekki að lesa fyrir skemmstu að Andrés önd, Mikki mús og fleiri Disneypersónur hefðu verið boðaðar í réttarsal einhvers staðar? Það er greinilegt að enginn er óhultur fyrir hinum langa armi laganna ...

Guðir hindúa boðaðir í dómsal

Gefum hasarnum frí

Rólegur dagur. Æ, hvað ég vildi að svona fyrirsagnir sæjust oftar.

Rólegur dagur

Kátt í höllinni

Íslendingar, sú feita bílaþjóð, ættu aldeilis að kætast yfir þessum fréttum.

Ganga skaðlegri en akstur?

Séns

Gefum strætó séns. Hleypum honum í gegn þar sem hann þarf að taka vinstri beygju á erfiðum gatnamótum. Og gerum honum ekki erfitt fyrir með því að beygja án þess að gefa stefnuljós. Nemum staðar fyrir aftan vagninn rétt á meðan hann er að beygja af stæði inn á götu.

Strætisvagnastjórar þurfa að fylgja stífri áætlun. Leyfum þeim að njóta forgangs. Það bætir geð þeirra og samvisku okkar.