Af ljóshærðum þulum og húölum

Ég sé ekki betur en allar nýju þulurnar hjá Sjónvarpinu séu ljóshærðar - a.m.k. býsna ljósar yfirlitum - og séu þar með í stíl við þær tvær "gömlu" sem eftir eru, Katrínu og Evu. Tilviljun? Ég hef vitaskuld ekki hugmynd um hver raunverulegur háralitur stúlknanna er, enda ómögulegt fyrir hársnauðan viðvaning eins og mig að segja til um það, en er það tilviljun ein að engin nýju þulanna er karlmaður, engin þeirra dökk- eða rauðhærð, engin af öðrum kynstofni en hinum norræna?

Nú veit ég ekkert um umsækjendurna um þularstarfið, en man þó til þess að hafa lesið að allmargir karlmenn hafi sótt um starfið. Var háralitur þeirra e.t.v. rangur? Eða er þularstarfið kvenmannsverk og þá einkum fyrir norrænar konur?

Sjónvarpið hefur lengi notað bláa litinn sem nokkurs konar einkennislit - getur hugsast að þar á bæ telji menn ljóst hár "tóna" best við hann?

Gaman væri að vita.

Auk þess legg ég til að fréttaþulir Sjónvarpsins hætti hinum hvimleiða og tilgerðarlega blístursframburði á hv- í upphafi orðs. Sums staðar á Suður- og Suðausturlandi bera menn þetta hljóð fram á ákveðinn hátt en sá háttur á ekkert skylt við hvininn sem fréttamennirnir gefa frá sér þegar þeir fara með okkur áhorfendurna í húalaskoðun .

Og hananú.

 

Ábyrgðarlaust

Alltaf finnst mér nú "ábyrgðarlaust" fallegra orð en "óábyrgt". Líklega eiga tvö tvíhljóð illa saman í upphafi orðs. "Óásættanlegt" er líka miklu verra orð en "óviðunandi" að þessu leyti. Kannski minna þessi óá-orð mig bara á einhverja óáran. En ég er nú líka svo skrítinn.

Óábyrgt að halda áfram með Bitruvirkjun

Dæling

Synd að hann skuli ekki geta dælt út Eddum handa fólki sem týnir þeim ...

Barði dælir þeim út

Erfitt

Þetta mál er erfitt viðureignar en auðvelt að sjá á því báðar hliðar. Ég veit ekki um neina aðra "vöru" sem leyfilegt yrði að bjóða til sölu en bannað og refsivert að kaupa. Þá er ég að tala um gamalgróna þjónustu gleðitækna en ekki skipulagt mansal, sem mér finnst allt annar hlutur og viðbjóðslegur, en kannski er það rétt að orðið sé erfitt að skilja á milli nú á dögum. Gamaldags vændi hefur oft verið nefnt elsta atvinnugrein mannkynsins og einhver kallaði mansalið nýjustu stóriðjuna. Ég er ekki hrifinn af vændi, enda eins afleitur kúnni og þeir geta orðið, en mansal er hrein og klár viðurstyggð. Ég er sannfærður um að hér þarf að stíga varlega til jarðar og að það verður verulegt vandaverk að setja löggjöf um þessi mál sem flestir geta sæmilega við unað.

Ábyrgð á hendur kaupanda vændis

Ussususs

Ljótt er ástandið þegar sveppafíkn eldri borgara kemur saklausum börnum þeirra í svona vandræði!

En hvadfornoget er lofther?

Nýtti sér herþyrluna til að tína sveppi handa móður sinni

D+D

Já, það duga ekki ómerkari náungar en Mikki mús og Stálöndin til að bjarga mínum mönnum í Derby úr þeirri stöðu sem þeir eru í núna. Og ef Ofur-Guffi slæst í hópinn er ég handviss um að Disneymönnum tekst að rífa liðið upp.

„Andrés Önd og Mikki Mús“ vilja eignast Derby

Ragnar keyptur?

Jæja, varð Ragnar þá loksins markaðsöflunum að bráð. Ma-ma-ma-maður bara skilur þetta ekki!

Eðalfiskur kaupir Reykás

Jónas

Það á aldeilis að reyna að kaffæra mann í Jónasi Hallgrímssyni um helgina. Jónas var vissulega merkilegt skáld og náttúrufræðingur og ýmislegt fleira og íslensk tunga á honum eflaust mikið að þakka en þýðir það endilega að hver einasti kjaftur þurfi að finna upp á einhverju til að minnast hans? Sjálfum finnst mér nóg að ammellisdagur hans skuli hafa verið valinn sem dagur íslenskrar tungu og það liggur við að þessar blysfarir, dagskrár, geisladiskaútgáfur og guðmávitahvað í minningu karls þessa dagana séu heldur mikið Hraun í Öxnadal fyrir minn smekk ... en ég er nú líka svo skrítinn.

Pilturinn Georg

Strákanginn. Ég vona nú að hann fari að hífa sig upp úr niðurlægingunni. Þetta er hæfileikaríkur náungi þótt hann sé ekki heimsins besti söngvari.

Annars gat ég ekki annað en brosað í botnlanganum þegar ég sá fyrirsögnina. Það þætti líklega til tíðinda ef Goggi, sem fram að þessu hefur ekki sýnt hinu kyninu mikinn áhuga, söðlaði um og kæmi sér í bobba ...

Boy George kemur sér enn og aftur í bobba

Spennandi

Bíð spenntur eftir fregnum af heilsufari ömmu LL Cool J og langafa P Diddy.

Móðir Kanye West látin